Hlăm klei kƀĭn, phung bi ala kñăm bi trông kơ bruă dưn yua klei thâo mĭn mơ̆ng anak mnuih (AI) hlăm bruă mkra mjing thâo mĭn leh anăn bi mguôp mbĭt hŏng anôk bruă C4IR ( anôk bruă tuh tia 4.0 tal êlâo mơ̆ng Việt Nam), kah mbha klei hriăm mkŏ mjing leh anăn mđĭ kyar anôk bruă ngăn prăk mơ̆ng ƀĭng hgŭm ala tač êngao, klei găl đŭ kyar mbĭt mơ̆ng anôk bruă ngăn prăk ƀuôn prŏng Hồ Chí Minh.

Blŭ hrăm hlăm klei kƀĭn, Khua knŭk kna Phạm Minh Chính lač mrâo êgao, anôk bruă tuh tia gưl tal 4 ti ƀuôn prŏng Hồ Chí Minh dưi mkŏ mjing jing găl guôp hŏng hdră êlan leh anăn đru hluê ngă Hdră mtrŭn 57 mơ̆ng Phŭn bruă kđi čar kơ đĭ kyar kdlưn hĭn klei mrâo mrang, mlih mrâo hŏng klei mbruă, klei mlih mrô. Khua knŭk kna mñă kơ phung bi ala, phung duh bi liê dlông rŏng lăn lŏ dơ̆ng đru mguôp čiăng ruah mgaih kơ hdră êlan iêo jak ai dưi čiăng mđĭ kyar klei mrâo mrang, mlih mrâo hŏng klei mbruă, klei mlih mrô.