Khua knŭk kna Phạm Minh Chính bi mklă anei jing klei yuôm bhăn bi êdah hnơ̆ng trah dlăng kluôm, klei čang hmăng mđĭ kyar anak mnuih, klei khăp mơ̆ng Đảng, Knŭk kna leh anăn mnuih ƀuôn sang kơ mnuih djuê ƀiă leh anăn krĭng čư̆ čhiăng.

Čiăng kơ dŭm hdră bruă hnưm bi leh, ba yua leh anăn mđĭ lar tŭ dưn, Khua knŭk kna jao kơ Khua phŭn bruă djuê ana leh anăn klei đăo, Khua phŭn bruă sang hră mtô bi hriăm, dŭm phŭn, dhar bruă djŏ tuôm, boh nik phung khua dlăng bruă Đảng, khua gĭt gai dŭm alŭ wăl kƀĭn gĭt gai, gĭt gai êlam, hmao msir klei dleh dlan, gun kpăk, đru kơ phung rŭ mdơ̆ng, đru kčĕ  ktuê dlăng hlăm klei pŏk ngă hdră bruă hŏng klei gĭr  hĭn.