Khua knŭk kna Phạm Minh Chính bi mni kơ klei gĭr mơ̆ng Khua knŭk kna Anwar Ibrahim ăt msĕ mơh Malaysia hlăm bruă jing Khua gĭt gai ASEAN hlăm bruă msir mgaih klei rŭng răng ti knông lăn plah wah Campuchia - Thái Lan; boh nik mkŏ mjing leh klei bi tuôm plah wah Khua knŭk kna Campuchia leh anăn Khua knŭk kna jing jai Thái Lan hruê 28/7 mrâo êgao leh anăn mâo klei kuôl kă mdei bi blah, jing knhuang jăk tal êlâo đru ksiêm dlăng klei rŭng răng đĭ plah wah dua ala čar.

Bi trông kơ klei bi hgŭm dua nah, dua Khua knŭk kna tŭ ư srăng lŏ dơ̆ng bi trông, mđĭ klei đăo knang, bi hgŭm mâo hdră msir čiăng bi êlam hĭn klei bi hgŭm hdră bruă kluôm, hlăm anăn kƀĭn mđĭ klei bi hgŭm mrâo mbruă, kreh knhâo kdrăp mrâo, êa pui êwa čuh, pui kmlă plah wah Việt Nam, Malaysia, Singapore čiăng mkŏ mjing êlan klei pui ASEAN; hnưm bi klă klei kuôl kă kơ bruă mnia blei braih čiăng kơ Việt Nam đru rơ̆ng djăp mnơ̆ng ƀơ̆ng huă kơ Malaysia.