Ti anăp klei luič liê mơ̆ng angĭn êbŭ mrô 3 ngă, Khua gĭt gai Lao Thongloun Sisoulith mơĭt leh asăp čuă êmuh truh kơ mnuih ƀuôn sang Việt Nam ayŏng adei, boh nik ti dŭm alŭ wăl hmăi djŏ.

Ti knăm anei, Khua knŭk kna Phạm Minh Chính mñă, gưl hiu čhưn ti Việt Nam mơ̆ng Khua gĭt gai Lao mâo boh tŭ yuôm bhăn, jing sa hlăm dŭm gru kruăk hlăm hƀuê ênuk klei bi mjĕ dua ala čar, đru mtrŭt mđĭ klei bi mjĕ prŏng Việt Nam – Lao ƀrư̆ hruê ƀrư̆ êlam hĭn. Dua khua kiă kriê bi tŭ ư kơ hdră bi hgŭm hlăm wưng ti anăp, mñă kơ bruă lŏ dơ̆ng bi hgŭm kjăp hlăm bruă hluê ngă klei kuôl kă gưl dlông, boh tŭ Klei bi kƀĭn tal 46 mơ̆ng Dhar bruă mlir Knŭk kna Việt Nam – Lao, boh tŭ gưl hiu čhưn truh ti Lao mơ̆ng Khua lăn čar Tô Lâm lehanăn hdră bi hgŭm plah wah dŭm Phŭn, dhar bruă, alŭ wăl dua ala čar./.