Blŭ hrăm ti knăm anei, Khua dlăng bruă UNCTAD Rebeca Grynspan bi êdah klei bi kngăr ti anăp boh tŭ đĭ kyar mơ̆ng Việt Nam, mâo 7% hlăm wang 30 thŭn êgao. Khua dlăng bruă UNCTAD mñă, Klei bi kƀĭn UNCTAD 16 anei dưi mkŏ mjing ti sa ala čar đĭ kyar pral kyua hdră pŏk ƀăng, ñŭ kma tŭ jing msĕ Việt Nam kruăk leh boh tŭ yuôm hlăm wưng mrâo mơ̆ng UNCTAD.

Ti knăm anei, Khua knŭk kna Phạm Minh Chính bi mklă dŭm klei lông dlăng ară anei hŏng bruă mnia mblei lehanăn mđĭ kyar dôk mâo hlăm tar rŏng lăn, hmăi truh kơ jih jang mnuih ƀuôn sang kyua anăn brei mâo hdră mjĕ hlăm jih jang mnuih ƀuôn sang hŏng klei kluôm dhuôm lehanăn dŭm al čar tar rŏng lăn brei mđĭ hdră bi hgŭm, hgŭm kngan bi kdơ̆ng hŏng hdră êlan răng mgang lehanăn mtrŭt mđĭ bruă mnia mblei lu tĭng hlăm hdră mđĭ kyar. Boh nik, čiăng mdrơ̆ng hŏng klei lông dlăng hlăm ênuk gưl kreh knhâo ară anei, Khua knŭk kna lač brei thâo săng klă kơ “Ênuk gưl kreh knhâo” hŏng sa hdră kluôm. Mñă klă Việt Nam “Lač srăng ngă, mâo leh klei ƀuăn srăng hluê ngă sĭt”, Khua knŭk kna Phạm Minh Chính mñă Việt Nam dlăng myuôm bruă mkŏ mjing Klei bi kƀĭn UNCTAD 16 čiăng kkuh drông phung bi ala mơ̆ng êma krĭng lăn./.