Khua knŭk kna Phạm Minh Chính nao ti wăl mnuih ƀuôn sang bi ktlah hjăn kyua êa lip ngă, mtrŭt mjhar mnuih ƀuôn sang dŭm să Tam Đa leh anăn să Vạn An, kdriêk Yên Phong čar Bắc Ninh, leh anăn să Tiên Sơn, să Vân Hà, wăl krah Việt Yên čar Bắc Giang, mbĭt anăn mtă kơ bruă sang čư̆ êa alŭ wăl dua čar mbĕ đuĕ mnuih ƀuôn sang nao ti anôk êđăp ênang, amâo brei mnuih ƀuôn sang kƀah mnơ̆ng ƀơ̆ng huă, čhum ao hơô.

Leh anăn, Khua knŭk kna nao ti Knơ̆ng bruă sang čư̆ êa wăl krah Việt Yên, čar Bắc Giang leh anăn gĭt gai klei bi kƀĭn online mjêč hŏng dŭm čar hmăi djŏ mơ̆ng êa lip mâo: Bắc Ninh, Bắc Giang, Lào Cai, Hoà Bình, Sơn La, Lai Châu, Điện Biên, Hà Giang, Cao Bằng, Bắc Kạn, Yên Bái, Tuyên Quang, Phú Thọ, Thái Nguyên, Lạng Sơn. Khua knŭk kna Phạm Minh Chính mơĭt klei bi juh kơ dŭm gŏ sang mâo klei truh kyua êa lip leh anăn klưh hroh lăn, mbĭt anăn mtă kơ dŭm alŭ wăl ngă jăk klei đru kơ mnuih ƀuôn sang.