Khua knŭk kna Phạm Minh Chính gĭt gai klei bi kƀĭn hŏng Êpul gơ̆ng đru kčĕ hdră êlan
Thứ bảy, 00:00, 26/04/2025
Pô mblang H'Zawut Ƀuôn Yă / VOV Tây Nguyên
Pô mblang H'Zawut Ƀuôn Yă / VOV Tây Nguyên
VOV4.Êđê- Khua knŭk kna Phạm Minh Chính mrâo gĭt gai klei bi kbĭn tal êlâo hŏng Êpul gơ̆ng đru kčĕ hdră êlan - anôk bruă mrâo mkŏ mjing kñăm ksiêm hriăm, đru kčĕ, akâo kơ dŭm hdră êlan mđĭ kyar kơ Knŭk kna.
Phung bi ala, phung hlăm Êpul gơ̆ng kƀĭn bi trông, mguôp klei blŭ hlăm Hdră bruă mđĭ kyar bruă duh mkra êngao knŭk kna hưn hŏng Phŭn bruă kđi čar; hră čih Hưn mdah ksiêm dlăng mbŏ boh tŭ hlue ngă Hdră kčah mđĭ kyar bruă duh mkra- ala ƀuôn thŭn 2024 leh anăn boh klei hlue ngă Hdră kčah mđĭ kyar bruă duh mkra ala ƀuôn dŭm mlan akŏ thŭn 2025 hưn hŏng Bruă kƀĭn ala hlăm klei bi kƀĭn kơ anăp.
Blŭ hrăm hlăm klei bi kƀĭn, Khua knŭk kna bi mni kơ klei blŭ mguôp jih ai tiê mơ̆ng phung hlăm êpul, mbĭt anăn mtă brei dŭm anôk bruă djŏ tuôm tŭ mă klei blŭ čiăng bi leh hdră êlan; čang hmăng Êpul gơ̆ng lŏ dơ̆ng mâo klei đru mguôp jăk, tŭ dưn, đru mkŏ mjing leh anăn hlue ngă hdră êlan djŏ klă, kyua klei tŭ dưn ala čar leh anăn mnuih ƀuôn sang.
Viết bình luận