Hlăm wưng êgao, Anôk bruă kƀĭn ala ba mdah leh dŭm Hdră mtrŭn djŏ tuôm kơ Hdră duh bi liê mkra êlan êdeh treng pral Dưr – Dhŭng; Hdră mtrŭn kơ Hdră duh bi liê mkra êlan treng Lào Cai - Hà Nội - Hải Phòng lehanăn Hdră mtrŭn kơ bruă ba yua dŭm klei bhiăn, hdră mtrŭn mdê čiăng mđĭ kyar anôk bruă êlan treng ti ƀuôn prŏng Hà Nội, Hồ Chí Minh.

Hlăm wưng ti anăp, Khua knŭk kna Phạm Minh Chính lač bruă klam mơ̆ng Anôk gĭt gai jing ktrŏ, yuôm bhăn, mjêč êdi, mtă kơ phung khua hlăm Anôk gĭt gai lŏ dơ̆ng mđĭ lar ai tiê, klei đua klam. Khua knŭk kna mtă kơ dŭm gưl bruă Đảng, bruă sang čư̆ êa alŭ wăl pŏk ngă kjăp hdră msir mghaih anôk ală, mbĕ anôk bruă, hlăm anăn mđing kơ hdră mkŏ anôk dôk mrâo, đru bi hơĭt anôk dôk, hdră pla mjing čiăng kơ mnuih ƀuôn sang mâo anôk hdĭp mda, bruă mă bi knar amâo dah jăk hĭn mkă hŏng anôk hđăp./.