Blŭ hrăm hlăm klei kƀĭn, Khua knŭk kna Phạm Minh Chính brei thâo, mrâo anei, knŭk kna bi klă hnơ̆ng čuăn đĭ kyar GDP thŭn 2025 mơ̆ng 8,3 – 8,5% hŏng ai tiê đĭ kyar pral, đĭ kyar lu ƀiădah hơĭt kjăp, hlăm anăn mđĭ kyar klei kreh knhâo mrâo mrang, mlih mrâo mbruă leh anăn mlih mrô jing hdră êlan yuôm bhăn. Khua knŭk kna mñă brei bi klă dŭm bruă klam leh anăn mnơ̆ng dhơ̆ng klă klơ̆ng mơ̆ng dŭm Phŭn, dhar bruă, alŭ wăl hlăm mlan 7, wưng tlâo mlan tal 3 leh anăn dŭm mlan knhal jih thŭn.

Hlăm anăn, ruah dŭm boh klei mkŏ mjing klei čih pioh, boh nik jing klei čih hưn kơ bruă kriê dlăng lăn ala. Khua knŭk kna jao kơ Phŭn bruă ngăn prăk mkăp djăp ênoh prăk  leh anăn ai dưi ngă tŭ dưn dŭm hdră êlan, hlăm anăn, srăng duh bi liê djŏ hnơ̆ng, tŭ dưn, djŏ mta kñăm.