Gưl kƀĭn kñăm ksiêm dlăng, mtrŭt mjhar dŭm mta bruă leh gưl kƀĭn tal 13 leh anăn bi trông kơ dŭm hdră êlan, lŏ dơ̆ng ruh mgaih klei dleh dlan, kpăk gun, mtrŭt bi hmar dŭm mta bruă. Blŭ hrăm hlăm klei kƀĭn, Khua knŭk kna Phạm Minh Chính lač klă, truh kơ ară anei, hră anăn dŭm hdră mâo êpul gĭt gai ktuê dlăng mâo 40 hdră prŏng hlăm 92 hdră kdrêč hlăm tlâo mta bruă: Êlan dơ̆ng, êlan treng leh anăn êlan êdeh phiơr, găn 48 čar, ƀuôn prŏng gưl dlông.

Khua knŭk kna mñă ktang, mơ̆ng ară anei truh kơ jih thŭn 2025, knŏng adôk mă 15 mlan đuč, bruă knuă jing lu sơnăk. Kyuanăn, Khua knŭk kna mñă čiăng bi trông mtrŭt bi hmar klei ngă bruă, rơ̆ng kơ hnơ̆ng tŭ jăk dŭm hdră, dưn yua dŭm klei hriăm yuôm bhăn mơ̆ng hdră êlan klei pui 500 kW 3 aruăt klei.