Tlam hruê 25/12, ti anôk bruă Knŭk kna, Khua knŭk kna Phạm Minh Chính nao leh ti Klei bi kƀĭn kluôm ala ksiêm wĭt 20 thŭn hluê ngă Hdră mtrŭn mrô 36 mơ̆ng Phŭn bruă kđi čar lehanăn dŭm hră mơar gĭt gai djŏ tuôm kơ hdră mnuih Việt Nam ti ala tač êngao. Klei kƀĭn mñă êpul êya mnuih Việt Nam ti ala tač êngao jing sa kdrêč amâo dưi kƀah ôh mơ̆ng djuê ana, jing boh kdrŭt yuôm hlăm hdră mđĭ kyar ala čar.

Leh 20 thŭn pŏk ngă Hdră mtrŭn, êpul đĭ leh wăt kơ ênoh mnuih lehanăn boh tŭ, hlăm brô 2,7 êklăk čô thŭn 2004 đĭ giăm 6,5 êklăk čô ti êbeh 130 ala čar lehanăn krĭng lăn, hlăm brô 80% hdĭp ti ala čar đĭ kyar, mâo kơhưm dưi bi mklă. Blŭ ti knăm anei, Khua knŭk kna Phạm Minh Chính mtă brei bi leh klei bhiăn, mjing klei găl kơ mnuih hdĭp ti ala tač êngao nao hgŭm hlăm hdră duh mkra – ala ƀuôn, mđĭ lar klei thâo, bi hgŭm, mkŏ mjing anôk bruă mrô kơ êpul mnuih Việt Nam dôk ti ala tač êngao./.