Tlam mbruê 23/9, Khua knŭk kna Phạm Minh Chính gĭt gai klei kƀĭn tal 14 mơ̆ng Êpul gĭt gai ala čar kơ gang mkhư̆ trah mă kan hdăng soh hŏng hdră bhiăn (IUU). Leh giăm 8 thŭn hluê ngă, lu hdră êlan phŭn dưi mâo lu boh tŭ dưn ƀiădah Việt Nam ăt ka dưi mâo Dhar bruă Ơrôp (EC) lui hră kñĭ. Phŭn agha jing bruă kriê dlăng, ksiêm dlăng kŭm păn trah mă kan ka kjăp, tlĕ mă kan hdang ti ksĭ ala tač êngao dôk mâo nanao, boh nik ti đa đa alŭ wăl ktuê hang ksĭ. Khua knŭk kna mñă ktang mta kñăm mjêč jing kñăm ruh “Hră kñĭ”, răng mgang kơhưm lăn čar leh anăn rơ̆ng kơ boh tŭ dưn hơĭt kjăp.

Ñu mñă jing gưl bruă Đảng nah gŭ, boh nik jing khua gĭt gai, mđĭ hĭn klei kriê dlăng, mlih mơ̆ng trah mă kbưi jing rông giăm hang, mkra mjing kan hdang giăm hang čiăng rơ̆ng kơ hdră duh ƀơ̆ng, klei êđăp ênang kơ phung mă kan hdang leh anăn đru mđĭ kyar bruă kan hdang nao mbĭt hŏng răng mgang klei dưi kiă êa ksĭ, plao ksĭ, mđĭ kơhưm lăn čar hlăm anôk mnia mblei tar rŏng lăn.