Khua knŭk kna Phạm Minh Chính kiă kriê klei bi kƀĭn gưl tal dua kơ dhar bruă ala čar APEC 2027
Thứ năm, 09:50, 29/01/2026
Y-Khem Niê/ VOV Tây Nguyên
Y-Khem Niê/ VOV Tây Nguyên
VOV.Êđê- Tlam mbrue (28/1), ti alŭ wăl knơ̆ng Phú Quốc, čar An Giang, Khua knŭk kna Phạm Minh Chính kiă kriê leh klei bi kƀĭn tal dua mơ̆ng dhar bruă ala čar APEC 2027 pioh ksiêm dlăng bruă prăp êmiêt kơ hrue kăm bi kƀĭn gưl dlông APEC 2027 wưng êgao, lehanăn mâo klei bi tŭ ư bruă čuăn hlăm wưng tinăp.
Klah čŭn, klei bi kƀĭn Khua knŭk kna Phạm Minh Chính lač bruă mkŏ mjing tŭ jing klei bi kƀĭn APEC 2027 ti Phú Quốc amâo mâo djŏ knŏng jing klei myưng m’ang kơ An Giang ƀiădah lŏ mâo bruă klam yuôm bhăn hŏng ala tač êngao mơ̆ng Việt Nam hlăm ênuk ñŭ kma prŏng, lehanăn klei bi ktưn hlăm tar rŏng lăn.
Hŏng klei thâo ƀuh kbưi, jhŏng mĭn, jhŏng ngă, Khua knŭk kna lač bi dưn yua jih klei găl mơ̆ng bruă mkŏ mjing klei bi kƀĭn anei čiăng bi êdah klei jing mơ̆ng Việt Nam kjăp ai tiê, kpưn đĭ hlăm klei êđăp ênang, kreh dhar, thâo jum tue lehanăn sĭt suôr./.
Viết bình luận