Aguah mbrue 22/4, ti Anôk bruă knŭk kna, Khua knŭk kna Phạm Minh Chính chủ kiă kriê leh klei bi kƀĭn hŏng dŭm phŭn dhar bruă čiăng ksiêm wĭt bruă tĭng jia hŏng dŭm mta mnơ̆ng mnia mblei hŏng ala tač êngao. Khua knŭk kna Phạm Minh Chính brei thâo, leh bi êdah kơ ênoh jia mơ̆ng Mi kruak kơ pô, Knŭk kna mâo leh dŭm mghaih msir bi hmao hlăm bruă kđi čar, klei bi blŭ hrăm, čŏng mâo dŭm hdră mtrŭn mơ̆ng knŭk kna, khăt bi hrŏ ênoh jiă dŭm mta mnơ̆ng mơ̆ng ala čar Mi wĭt truh kơ 0.

Truh kơ ară anei, mâo dŭm bruă mơ̆ng Mi ăt dơ̆ng mghaih msir djŏ tui si hdră bhiăn leh bi tŭ ư dua ala čar. Ti anăp boh klei mrâo, khua knŭk kna mtă anăp anei srăng mă bruă hŏng klei pral hĭn, knhêč hĭn nao hlăm klei bi blŭ hrăm, dưn yua jih klei thâo mâo leh čiăng bi blŭ hrăm. Tui si klei bhiăn, Khua knŭk kna mñă, bi păn kjăp klei kiă kriê mơ̆ng phŭn bruă kđi čar, mơ̆ng Khua gĭt gai Đảng, knŭk kna, Khua knŭk kna êmuh klei mĭn mơ̆ng tĭng kơ Mi čiăng mkŏ mjing hdră êlan mă bruă, dlăng klei bi blŭ hrăm jing yuôm bhăn, kñăm truh kơ klei bi kna hlăm bruă bi mnia mblei hŏng Mi nao hlăm klei kjăp nanao./.