Truh kơ ară anei, hdră anei mâo bi leh lehanăn ba jao mâo leh êbeh 44 êbâo boh sang čiăng kơ dŭm gŏ sang dưi dưn mâo nao dôk hlăm sang mrâo, lehanăn lŏ rŭ mdơ̆ng êbeh 34 êbâo boh sang. Truh kơ ară anei, kluôm ala mâo leh hlăm brô 240 êbâo boh sang mdjip mdjap, čiăng mâo hdră êlan đru rŭ mdơ̆ng mơ̆ng ară anei hlŏng truh jih thŭn  2025.

Bi êla kơ êpul khua kiă kriê, Khua knŭk kna Phạm Minh Chính čih pioh bi myuôm lehanăn mâo klei bi mni phŭn bruă mnuih mă bruă phung knap mñai, Phŭn bruă lĭng kahan, phŭn bruă kahan ksiêm, dŭm phŭn dhar bruă, alŭ wăl čŏng ngă bruă bi leh bruă čuăn  đru mguôp leh yuôm bhăn bi leh bruă ngă. Khua knŭk kna Phạm Minh Chính mñă, bruă msir sang hlang mtih kđuh, sang hlu ƀrôč jing bruă kđi čar bi êdah bruă hlue ngă klei bi mklă hdră mtrŭn, klei gĭt gai mơ̆ng bruă Đảng gưl dlông, phŭn bruă kđi čar, Êpul khua kiă kriê, Bruă kƀĭn ala, Knŭk kna, anăp truh kơ klei bi hdơr dŭm bruă knăm prŏng hlăm thŭn 2025 lehanăn klei bi ktưn kkuh mơak klei bi kƀĭn prŏng Đảng djăp gưl lehanăn kluôm ala tal 14./.