Klei bi kƀĭn ksiêm wĭt lu bruă dôk dleh kpăk, kbiă hriê mơ̆ng lu mta klei. Wưng leh êgao, Phŭn bruă kđi čar, Êpul khua kiă kriê bruă Đảng, Khua gĭt gai Đảng Tô Lâm kiă kriê leh jih jang bruă ruh mgaih klei dleh klăn kơ mnuih mă bruă, kơ klei bi liê ngăn prăk knŭk kna amâo mâo djŏ hdră, đru kơ phung duh mkra, lehanăn mnuih ƀuôn sang.

Klah čŭn klei bi kƀĭn, Khua knŭk kna Phạm Minh Chính čih pioh dŭm klei blŭ đru mguôp. Khua knŭk kna mtă kơ dŭm phŭn dhar bruă, alŭ wăl ksiêm wĭt, mbha hnơ̆ng lehanăn akâo hdră mghaih msir tui si klei dưi. Dŭm mta bruă ngă êgao kơ klei dưi brei mâo klei hâo hưn kơ gưl dlông. Bruă mghaih msir brei bi djŏ mnuih, djŏ bruă, djŏ guôp hŏng mta mtrŭn mơ̆ng Đảng lehanăn hdră bhiăn knŭk kna, đru kơ dŭm mta bruă pral nao hlăm klei mă bruă, mđĭ kyar klei duh mkra ala ƀuôn./.