Hlăm mmông mă bruă, hưn mdah hŏng Khua knŭk kna Phạm Minh Chính, Thiếu tướng Phạm Hải Trung Khua kahan răng mgang Msat Khua gĭt gai Hồ Chí Minh,Khua anôk bruă kriê dlăng msat ngă leh jăk bruă đru kčĕ hŏng Đảng, Knŭk kna, Khua knŭk kna leh anăn Bruă Đảng kahan gưl dlông, Phŭn bruă lĭng kahan kơ bruă klam răng kriê sui, răng mgang êđăp ênang asei atâo Khua gĭt gai Hồ Chí Minh.

Khua knŭk kna bi mni kơ klei gĭr, ai tiê đua klam leh anăn boh tŭ dưi mâo mơ̆ng êpul knuă druh, phung mă bruă knŭk kna, lĭng kahan leh anăn phung mă bruă hlăm Anôk bruă kriê dlăng leh anăn dŭm anôk bruă, phung mă bruă hlăm Wăl kriê pioh hƀuê ênuk - dhar kreh Ba Đình. Hlăm wưng kơ anăp, Khua knŭk kna mtă kơ Anôk bruă kriê dlăng Msat lŏ dơ̆ng mđĭ lar ai tiê mbruă, bi hgŭm kjăp, tŭ dưn hŏng dŭm anôk bruă čiăng bi leh jăk bruă klam dưi jao hŏng jih ai tiê, klei khăp kơ ala čar, klei ktưn hưn djuê ana.