Aguah mbruê 8/12, ti alŭ wăl knông lăn čar Tây Ninh leh anăn čar Prey Veng (Campuchia), Khua Knŭk kna Phạm Minh Chính leh anăn Khua Knŭk kna Campuchia Hun Manet hrăm mbĭt gĭt gai knăm na yua ƀăng jang knông lăn Tân Nam - Meun Chey.

Blŭ hrăm knăm knăm, Khua Knŭk kna Phạm Minh Chính mñă klă hlâo ƀăng jang knông lăn Tân Nam - Meun Chey pŏk ƀăng klei mnia mblei mrâo, đru mkŏ bruă duh mkra, mnia mblei, hiu čhưn ênguê leh anăn mjĕ mjuk mnuih ƀuôn sang dua ala čar, mbĭt anăn bi kjăp klei bi hgŭm mguôp. Khua Knŭk kna mñă ktang Việt Nam leh anăn Campuchia jing dua ala čar jĕ giăm, mâo mbĭt krông Mekong, ksum mbŭ klei mjĕ giăm jăk siam, klei bi hgŭm knhuah gru, bi mguôp kluôm dhuôm, hơĭt kjăp hlăm giăm 60 thŭn êgao. Ƀăng jang knông lăn mâo bruă klam yuôm bhăn hlăm mđĭ kyar bruă duh mkra krĭng. Hnơ̆ng klei mnia mblei dua tĭng hlăm dŭm thŭn giăm anei rơ̆ng hlăm brô10 êklai dolar Mi sa thŭn leh anăn mĭn tĭng thŭn 2025 dưi mâo 12 êklai USD.