Khua knŭk kna mơĭt asăp bi juh hŏng klei luič liê mâo bruă knŭk kna lehanăn mnuih ƀuôn sang hlăm čar Quảng Ninh dôk tlă anăp kyua angĭn êbŭ mrô 3 ngă. Khua knŭk kna čang hmăng kơ čar hnưm msir mghaih klei luič liê kyua angĭn êbŭ ngă lehanăn hnưm bi hơĭt klei hdĭp mnuih ƀuôn sang.

Ti klei bi kƀĭn ăt hlăm hruê anei, Khua knŭk kna gĭt gai đru 100 êklai prăk tal êlâo kơ grăp alŭ wăl Quảng Ninh, Hải Phòng msir mghaih klei truh anei êjai. Kơ hdră msir, Khua knŭk kna mtă kơ Quảng Ninh, Hải Phòng iêu mtrŭt jih anôk bruă kđi čar nao msir mghaih, mâo êpul kahan, mặt trận čar kwar, dŭm êpul bruă kđi čar – ala ƀuôn, hlăk ti anăp mâo lua mta bruă, hlăm anăn mâo hdră huai mdoh wăl hdĭp mda. Khua knŭk kna mtă kơ Phŭn bruă lĭng kahan ti dŭm čar, ƀuôn prŏng, alŭ wăl giăm anăn nao hgŭm đru hlăm jih jang bruă dưi ngă./.