Khua knŭk kna Phạm Minh Chính nao ti anôk bi kƀĭn phung khua kiă kriê gưl dlông ASEAN tal 6 lehanăn dŭm klei bi kƀĭn djŏ tuôm
Thứ sáu, 10:04, 16/01/2026
Pô mblang: Y-Khem Niê
Pô mblang: Y-Khem Niê
VOV.Êđê - Hrue 15/1, ti Hà Nội, Khua knŭk kna Phạm Minh Chính mâo leh klei blŭ ti anôk bi kƀĭn gưl dlông bruă mrô ASEAN tal 6.
Tui si Khua knŭk kna, klei bi mlih mrô mđĭ kyar bruă knŭk kna mrô, klei duh mkra mrô, yang ƀuôn mrô hlăk jing leh boh kdrŭt mrâo, ƀrư̆ bi klă bruă klam kơ klei đĭ kyar kjăp. Khua knŭk kna mñă, yap mơ̆ng leh mŭt hlăm êpul hgŭm ASEAN, Việt Nam dlăng kơ ASEAN jing bruă tal êlâo hlăm klei bi hgŭm.
Mbĭt hŏng anăn mâo dŭm boh tŭ dưn, Khua knŭk kna lač ASEAN bi kjăp hĭn čiăng dưi găn klei lông dlăng ară anei, boh nik hlăm bruă kdrăp mrâo. Snăn, khua knŭk kna akâo kơ ASEAN mkŏ mjing dŭm klei bhiăn kơ bruă kdrăp mrâo, klei duh mkra mrâo pioh lŏ bi lar hlăm alŭ wăl, lehanăn mñă klei mđĭ kyar bruă mơ̆ng klei thâo mĭn anak mnuih, nao mđrĭng hŏng knhuah kpă mơ̆ng anak mnuih, pioh kơ bruă êđăp ênang, lehanăn kơ klei mđĭ kyar kjăp./.
Viết bình luận