Leh kơ anăn, dua čô khua kiă kriê mâo klei bi blŭ hrăm. Dua nah mñă klei bi mguôp Việt nam  – Lào jing leh ngăn dưn yuôm bhăn mơ̆ng aê ama pô nao êlâo mkŏ mjing ksun mbŭ, drei lŏ dơ̆ng bi kriê pioh lehanăn mđĭ bi lar. Khua lăn čar Lương Cường bi myuôm dŭm boh tŭ dưn mơ̆ng klei mđĭ kyar ti Lao, lač klă Việt Nam srăng sa ai nanao hlăm bruă ñŭ kma, lehanăn mđĭ kyar hŏng tač êngao hlăm klei êngiê lehanăn ngă phŭn.

Dua čô khua kiă kriê bi tŭ ư leh lŏ tui duah hdră êlan mrâo, hyuă kjăp hĭn klei bi hgŭm dua nah hlăm bruă duh mkra, dhar kreh, bruă kreh knhâo, dưn yua jih klei ktang mơ̆ng grăp ala čar, hlăm anăn hgŭm kjăp hlăm bruă duh mkra, bruă nah gŭ, bruă ngăn prăk, bruă hiu čhưn ênguê dua ala čar; ngă dŭm bruă čiăng kơ klei bi mnia mblei dua nah đĭ truh 05 êklai USD hlăm thŭn tinăp./.