Hlăm klei bi tuôm, Khua lăn čar Lương Cường mñă klă Việt Nam sa ai ktang, kluôm dhuôm leh anăn srăng ngă bruă jih ai tiê hŏng Đảng, Knŭk kna leh anăn mnuih ƀuôn sang Lào kriê pioh, ksul mbŭ leh anăn mtrŭn agha êlam hĭn klei bi mguôp Việt Nam Lào.

Khua lăn čar mñă ktang klei mjĕ giăm Việt Nam - Lào jing ngăn dŏ yuôm bhăn, jing tur knơ̆ng kơ klei hơĭt kjăp, đĭ kyar leh anăn ñŭ kma mơ̆ng grăp lăn čar, mbĭt mjing hdră bhiăn hƀuê ênuk, ai ktang leh anăn boh kdrŭt čiăng kơ dua lăn čar lŏ dơ̆ng kriê pioh, bi lar leh anăn lŏ čuê kơ ênuk êdei. Bi trông kơ hdră êlan bi mguôp hlăm wưng kơ anăp, Khua lăn čar brei thâo dua tĭng srăng lŏ dơ̆ng bi klă hdră êlan hlăm klei mjĕ giăm kđĭ čar jing kmeh gơ̆ng, mâo bruă klam tă hdră kluôm dhuôm hlăm klei bi mguôp dua tĭng.