Hlăm mmông mă bruă, Khua lăn čar Lương Cường tŭ ư hŏng dŭm boh phŭn lač leh, mbĭt anăn mñă klă klei čiăng ksiêm dlăng êlam, păn kjăp hdră êlan, klei gĭt gai mơ̆ng Phŭn bruă kđi čar, Anôk dlăng bruă Đảng, ăt msĕ mơh klei ktrâo lač mơ̆ng dŭm anôk bruă djŏ tuôm hŏng bruă mkŏ mjing bruă ngă gưl Tết Nguyên đán Bính Ngọ. Khua lăn čar mñă klă brei mprăp bi jăk klei găl duh kơ mnuih ƀuôn sang mơak yan mnga drông Tết djuê ana Bính Ngọ thŭn 2026 êđăp ênang, jăk mơak, mkiêt mkriêm, mjing ai êwa hơ̆k mơak leh anăn boh kdrŭt kơ kluôm Đảng, jih jang mnuih ƀuôn sang, lĭng kahan gĭr ktưn hlue ngă tŭ dưi  Hdră mtrŭn Klei bi kƀĭn phung bi ala kluôm ala tal XIV mơ̆ng Đảng hlăm mlan akŏ thŭn 2026 mtam.

Mkŏ mjing bi jăk bruă êmuh hrăm, mđĭ ai, hơêč hmưi Tết kơ knuă druh phung krŭ kdơ̆ng khua thŭn, amĭ Việt Nam jhŏng ktang, kahan êka êkeh,  gŏ sang phung êngiă asei, gŏ sang mâo ai hŏng lăn čar, gŏ sang knŭk kna đru ba, phung mâo klei thâo lu, phung kdŏ mmuñ, phung mâo kơhưm hlăm mnuih djuê ƀiă, phung khua dlăng bruă klei đăo êdah êdi, dŭm anôk bruă lĭng kahan ngă bruă hlăm gưl Tết ti knông lăn, plao ksĭ, krĭng taih kbưi, dŭm anôk dleh dlan… rơ̆ng kơ grăp boh sang, grăp čô mnuih ƀuôn sang dưi mâo yan mnga êđăp ênang, Tết jăk mơak.