Nao čuă, hơêč hmưi kơ Khua lăn čar hđăp, mâo Nguyễn Minh Triết, Trương Tấn Sang ti sang digơ̆ pô, Khua lăn čar Lương Cường êmuh kơ klei suaih, klei hdĭp. Khua lăn čar bi êdah klei lač jăk, mpŭ kơ dŭm klei duh myơr, đru mguôp mơ̆ng Khua lăn čar hđăp, mâo Nguyễn Minh Triết, Trương Tấn Sang kơ hdră cách mạng mơ̆ng Đảng, mơ̆ng djuê ana mbĭt anăn lŏ čiăng tŭ mă dŭm klei blŭ đru mguôp, klei thâo yuôm bhăn mơ̆ng phung khua kiă kriê hđăp hlăm hdră mkŏ mkra lehanăn mđĭ kyar ala čar hlăm ênuk gưl mrâo.

Hlăm ai êwa hơuh mđao, Khua lăn čar nao čuă êmuh leh klei hdĭp, hdră tui ksiêm, klei mă bruă mơ̆ng găp djuê, gŏ sang Ayang khua gĭt gai Đảng êlâo adih mâo Lê Duẩn, Nguyễn Văn Linh,  đru pô kčĕ Êpul hgŭm Knŭk kna Võ Chí Công, Ayang Khua lăn čar hđăp Lê Đức Anh; hơêč hmưi kơ găp djuê digơ̆ suaih pral, tŭ jing, lŏ čuê mđĭ lar knhuah gru gŏ sang lehanăn boh tŭ dưi mâo, amâo mdei ksiêm hriăm, duh myơr kơ ala čar, kơ ƀuôn sang./.