Blŭ hrăm ti knăm anei, Khua lăn čar Lương Cường brei thâo, Đảng, Knŭk kna, dŭm gưl bruă Đảng, bruă sang čư̆ êa alŭ wăl mđing hmư̆, mpŭ lehanăn tŭ mă nanao klei blŭ mơ̆ng gưl nah gŭ, mơ̆ng phung khua bruă Đảng alŭ, msĕ si anôk bruă Đảng alŭ Quảng Chính 6. Dŭm klei akâo, klei ba mdah mơ̆ng gưl nah gŭ srăng dưi bi mklin, ksiêm dlăng čiăng mkăp kơ bruă čuăl mkă hdră êlan mtrŭn ƀrư̆ hruê ƀrư̆ jĕ giăm lehanăn mkăp jăk hĭn kơ boh sĭt dôk mâo.

Khua lăn čar mtă kơ čar Quảng Ninh lŏ dơ̆ng mđĭ klei gĭt gai, kiă kriê, mđing mđĭ klei thâo kriê dlăng lehanăn klei mă bruă mơ̆ng anôk bruă Đảng nah gŭ, hluê ngă jăk bruă klam kiă kriê, tă hdră êlan, ai tiê klei mĭn kơ phung đảng viên, mbĭt anăn gĭr mđĭ ai phung knuă druh ngă bruă, gĭr mjĕ giăm hŏng mnuih ƀuôn sang, boh nik ti dŭm krĭng dleh dlan, krĭng knông lăn, krĭng taih kbưi, mđĭ lar ktang hĭn, mđrăm mbĭt kñăm ba wĭt boh tŭ kiă kriê mơ̆ng Đảng ti alŭ wăl nah gŭ./.