Khua lăn čar Lương Cường nao lehanăn blŭ hrăm ti knăm anei. Jao anăn knăl Hồ Chí Minh kơ êpul kahan ƀuôn lehanăn blŭ hrăm ti knăm anei, bi ala phung khua kiă kriê Đảng, Knŭk kna, Khua lăn čar Lương Cường lač klă, Đảng lehanăn Knŭk kna drei jih ai tiê bi myuôm lehanăn bi kjăp hdră êlan mkŏ mjing hdră răng mgang klei êđăp ênang hlăm jih jang mnuih ƀuôn sang, hdră mblah hlăm mnuih ƀuôn sang mguôp hŏng hdră mkŏ mkra klei êđăp ênang hlăm mnuih ƀuôn sang lehanăn mkŏ mkra hdră “Răng mgang kjăp klei êđăp ênang hlăm mnuih ƀuôn sang”.

Khua lăn čar Lương Cường mtă kơ dŭm gưl, dhar bruă mơ̆ng Gưl dlông truh kơ alŭ wăl, bruă Đảng kahan gưl dlông, Phŭn bruă lĭng kahan lŏ dơ̆ng mđing duh bi liê prăk kăk lehanăn rơ̆ng klei găl kơ êpul kahan ƀuôn ngă bruă tŭ dưn hĭn, đru mguôp hŏng kluôm Đảng, jih jang mnuih ƀuôn sang, lĭng kahan ba ala čar drei mŭt hlăm wưng mrâo – ênuk kpưn đĭ kyar mơ̆ng djuê ana./.