Hlăm klei kƀĭn trông, phung bi ala đăo knang leh anăn bi tŭ ư hŏng bruă hưn mdah Lê Hoài Trung mgơ̆ng ruah pô bi ala Bruă Kbĭn ala gưl 16 leh anăn hmăng hmưi tơdah djŏ ruah pô bi ala Bruă Kbĭn ala, ñu srăng lŏ dơ̆ng bi lar klei thâo, klei hriăm, ai tiê bruă klam, nao hgŭm hur har, tŭ dưn hlăm dŭm mta bruă mơ̆ng Bruă Kbĭn ala, hlăm bruă mkŏ mjing, răng mgang lăn čar, năng jing pô bi ala kơ klei mĭn, klei čiăng leh anăn mnuih ƀuôn sang.

Blŭ hrăm hlăm klei kƀĭn, khua phŭn bruă Lê Hoài Trung mñă klă, tơdah dưi djŏ ruah pô bi ala Bruă Kbĭn ala srăng lŏ dơ̆ng bi lar ai tiê bruă klam, hluê ngă djŏ bruă klam mơ̆ng pô bi ala mnuih ƀuôn sang ruah mdưm, kñăm kơ klei bi tuôm, mđing hmư̆ phung bi ala, mđing hmư̆ dŭm klei blŭ mguôp, klei čiăng, klei hmăng hmưi mơ̆ng phung mplĕ hră čiăng hưn mdah hŏng anôk bruă mâo klei dưi kơ dŭm klei čuăn mâo phung bi ala čang guôn, 100% phung bi ala hlăm klei kƀĭn trông bi tŭ ư hưn mdah Lê Hoài Trung nao hgŭm mgơ̆ng asei pô bi ala Bruă Kbĭn ala gưl 16.