Đại tướng Tô Lâm, Khua hlăm Phŭn bruă kđi čar, Khua phŭn bruă kahan ksiêm, K’iăng Khua Anôk bruă gĭt gai êđăp ênang, klei êđăp ênang ala čar nao, blŭ hrăm hlăm klei bi kƀĭn. 

Blŭ hrăm hlăm Klei bi kƀĭn, Khua phŭn bruă Tô Lâm mtă, Êpul hgŭm rămng mgang klei êđăp ênang êlan internet ala čar leh anăn phung hlăm êpul bi tŭ ư klei mĭn gĭt gai, sa anăn mơ̆ng Đảng, Knŭk kna kơ klei êđăp ênang hlăm wưng êgao; êngao kơ bruă ksiêm dlăng kluôm boh klei, boh tŭ hlue ngă bruă knuă, lŏ păn kjăp klei mĭn, hdră kñăm, bruă klam, hdră msir yuôm bhăn mâo Phŭn bruă kđi čar, Anôk dlăng bruă Đảng hlăm dŭm bruă djŏ tuôm. Khua phŭn bruă Tô Lâm đăo knang, hŏng hdră tă ngă bruă klă klơ̆ng, kreh knhâo, Êpul hgŭm srăng bi hgŭm, bi tŭ ư, hrăm mbĭt, jih ai tiê hlue ngă tŭ dưn Hdră mtrŭn Klei bi kƀĭn phung bi ala kluôm ala tal 1 (wưng 2023 – 2028) kčah leh, mâo klei đru mguôp, tŭ dưn hlăm bruă mđĭ kyar, hơĭt kjăp bruă duh mkra, ala ƀuôn lăn čar, đru răng mgang klei êđăp ênang, boh tŭ leh anăn klei dưi ala čar hlăm internet.