K’iăng Khua knŭk kna Lê Thành Long mđup brei 400 hnư mnơ̆ng tết kơ dŭm gŏ sang ƀun, giăm ƀun, gŏ sang dleh dlan kyua hrui wĭt lăn ruh mgaih anôk ala čiăng mkra êlan dơ̆ng pral Đồng Đăng – Trà Lĩnh, mnuih mă bruă ti đa đa anôk bruă, knơ̆ng bruă dôk mă bruă ti êlan dơ̆ng pral ti čar Cao Bằng.

K’iăng Khua knŭk kna Lê Thành Long mñă klă, bruă kriê dlăng klei hdĭp kơ mnuih ƀuôn sang, boh nik jing phung awăt êdu jing bruă klam leh anăn knhuah gru thâo khăp, thâo pap jăk siam mơ̆ng djuê ana Việt Nam, mñă kơ gưl bruă Đảng nah gŭ, bruă sang čư̆ êa alŭ wăl lŏ dơ̆ng uêñ mĭn hluê ngă bruă bi hơĭt klei hdĭp yang ƀuôn, rơ̆ng kơ mnuih ƀuôn sang drông tết êđăp ênang, yâo mơak, amâo mâo lui kơ sa čô kơ tluôn, grăp sang mâo tết.