Hlăm klei bi tuôm, K’iăng Khua knŭk kna Nguyễn Hòa Bình bi mni kơ klei đru mguôp yuôm bhăn mơ̆ng Khua phŭn bruă gưl dlông Lý Hiển Long hŏng bruă mđĭ leh anăn bi êlam klei bi hgŭm dua ala čar ăt msĕ mơh mđĭ kyar bruă duh mkra Việt Nam hlăm dŭm pluh thŭn êgao, hlăm anăn mâo klei đĭ kyar ktang mơ̆ng dŭm Wăl tuh tia mkra mjing Việt Nam - Singapore (VSIP).

 K’iăng Khua knŭk kna Nguyễn Hòa Bình  čang hmăng Khua phŭn bruă gưl dlông lŏ dơ̆ng mđing uêñ, sa ai mđĭ klei bi hgŭm dua ala čar đĭ kyar ktang, boh sĭt, tŭ dưn hĭn ăt msĕ mơh đru kčĕ, kah mbha klei thâo kơ klei mđĭ kyar anôk bruă ngăn prăk leh anăn mđĭ klei bi hgŭm, mkŏ plah wah Anôk bruă ngăn prăk dua ala čar.