Blŭ hrăm hlăm hdră, K’iăng Khua lăn čar Võ Thị Ánh Xuân lač klă, hlăm dŭm thŭn êgao, boh nik thŭn 2025, ti gŭ klei gĭt gai mơ̆ng Đảng, ala čar drei ngă leh lu bruă klam yuôm bhăn mâo klei hƀuê ênuk, mjing tur knơ̆ng ba lăn čar mŭt hlăm ênuk mrâo - ênuk mdrŏng sah, jăk mơak. Mbĭt anăn, brei tlă anăp hŏng klei ruă, yan adiê ngă, angĭn êbŭ mâo nanao ti lu alŭ wăl, krĭng kwar hlăm kluôm ala, hmăi leh lu kơ klei hdĭp lu muih ƀuôn sang, boh nik phung awăt, hlăm anăn mâo phung hđeh.

Hlăm boh klei anăn, Đảng, Knŭk kna mâo  leh lu hdră êlan hŏng ala ƀuôn pioh klei găl hmao đru kơ mnuih ƀuôn sang, boh nik phung hđeh, amâo brei ôh hlei pô dleh dlan đei hlăm klei hdĭp. Hlăm hdră “yan mnga kơ adei” tal 19, Keh răng mgang phung hđeh Việt Nam tŭ mă leh êbeh 116 êklai prăk mơ̆ng giăm 60 anôk bruă pioh kơ phung hđeh mâo klei hdĭp dleh dlan hlăm thŭn 2026.