Blŭ hrăm ti knăm anei, Khua knŭk kna Phạm Minh Chính hưn mthâo klei hriăm hlăm hdră ñŭ kma tar rŏng lăn, hluê anăn brei thâo klă klei dôk mâo, mtrŭt mđĭ hdră ksiêm dlăng, hlak mblang, đăo knăl čiăng pral hlăm klei ñŭ kma.

Brei bi mguôp ai ktang mơ̆ng djuê ana hŏng ai ktang ênuk mrâo, Knŭk kna, mnuih ƀuôn sang, anôk bruă duh mkra. Brei mđĭ klei bi mguôp hŏng tar rŏng lăn lehanăn hdră êlan lu tĭng hlăm klei ñŭ kma, Khua knŭk kna mñă, klei bi hgŭm mguôp mjing ai ktang, bi hgŭm čiăng mâo boh tŭ dưn mbĭt lehanăn klei bi blŭ hrăm mđĭ klei đăo knang. Kơ bruă klam thŭn 2026, Khua knŭk kna mñă anei jing thŭn tal êlâo mphŭn kčưm wưng ñŭ kma mrâo mơ̆ng ala čar hlăm ênuk gưl mrâo, hluê ngă hdră êlan mlih mrâo mơ̆ng Klei bi kƀĭn bruă Đảng tal XIV lehanăn klei čiăng hŏng hdră bi hgŭm tar rŏng lăn./.