Hdră mtrŭn mrô 57-NQTW mâo Phŭn bruă kđi čar mtrŭn leh 22/12/2024, mñă kơ bruă mđĭ kyar klei kreh knhâo, kdrăp mrâo, mlih mrâo hŏng klei knhêč lehanăn klei bi mlih mrô lăn čar, jing klei kut kat brei ngă, pai mă jih klei găl čiăng kơ lăn čar drei pral mâo klei đĭ kyar mdrŏng ktang hlăm ênuk kpưn đĭ mơ̆ng djuê ana pô.

Êpul khua kiă kriê gưl dlông kơ bruă mđĭ kyar klei kreh knhâo, mlih mrâo hŏng klei knhêč, lehanăn mlih mrô mâo mkŏ mjing leh, mâo Khua gĭt gai Đảng Tô Lâm ngă khua êpul. Mkŏ mjing Êpul gơ̆ng kăp kčĕ đru kơ lăn čar mđĭ kyar klei krh knhâo, kdrăp mrâo mlih mrâo hŏng klei knhêč lehanăn klei bi mlih mrô lač, hdră mtrŭn mrô 57-NQ/TW jing sa ai êwa mrâo, ktrâo êlan kơ klei kpưn đĭ mơ̆ng djuê ana Việt Nam. Anăn jing ba yua kdrăp mă bruă mrâo mrang, bi mlih mrô hŏng klei ktang, snăn kơh Việt Nam dưi mâo klei đĭ kyar pral, lehanăn kjăp čiăng kơ lăn čar mdrŏng ktang, bi knar hŏng ala tač êngao. Mbĭt hŏng anăn hdră mtrŭn lŏ mđĭ ai, mkŏ mjing dŭm klei bi hmô, kñăm čiăng iêo mŭt phung kreh knhâo, lehanăn mđĭ bi pral klei mlih mrâo hŏng klei mbruă. Hdră mtrŭn bi êdah klei êpa mhao kpưn đĭ mơ̆ng djuê ana pô./.