Hlăm aguah 19/1, ti Anôk Klei bi kƀĭn ala čar (Hà Nội), Klei bi kƀĭn kluôm ala tal 14 mơ̆ng Đảng Cộng sản Việt Nam bi kƀĭn mprăp. Êlâo kơ mphŭn pŏk klei bi kƀĭn mprăp, phung bi ala nao hlăm Klei bi kƀĭn nao čuă Msat khua gĭt gai Hồ Chí Minh, dưm kwang mnga leh anăn myơr brui mngưi ti Knưl bi hdơr kơ phung jhŏng ktang êngiă asei.

Kluôm klei bi kƀĭn pioh sa mbĭt bi hdơr kơ Ayang khua gĭt gai Đảng Nguyễn Phú Trọng leh anăn phung Khua hlăm Anôk dlăng bruă Đảng gưl dlông tal XIII djiê leh. Trần Thanh Mẫn, Khua hlăm Phŭn bruă kđi čar, Khua bruă kƀĭn ala bi ala kơ phung khua gĭt gai phŭn mơ̆ng Đảng, Knŭk kna gĭt gai klei bi kƀĭn. Klei bi kƀĭn bi tŭ ư hlăm Hdră bi kƀĭn mkăp, Klei bhiăn mă bruă mơ̆ng Klei bi kƀĭn, Hdră mă bruă mơ̆ng Klei bi kƀĭn leh anăn Klei bhiăn ruah khua hlăm Klei bi kƀĭn phung bi ala kluôm ala tal XIV mơ̆ng Đảng. Klei bi kƀĭn ruah leh Êpul gĭt gai mâo 16 čô hlăm Khua phŭn bruă kđi čar, ruah Êpul čih hră mâo 5 čô leh anăn Anôk bruă ksiêm dlăng  phung bi ala nao hlăm Klei bi kƀĭn mâo 13 čô. Klei bi kƀĭn bi mklă tŭ ư kơ phung bi ala, hŏng jih jang 1.586 čô dưi nao hlăm Klei bi kƀĭn.