Mphŭn pŏk klei bi trông, Klei bi kƀĭn hmư̆ leh Đại tướng Phan Văn Giang, Khua hlăm Phŭn bruă kđi čar, Khua phŭn bruă lĭng kahan, hưn mdah klei ksiêm hriăm hŏng akŏ “Mkŏ mjing êpul lĭng kahan yang ƀuôn cách mạng, knhăk, mrâo mrang, bi kmeh gơ̆ng mkŏ mjing klei êđăp ênang ala čar kjăp ktang, mguôp hŏng klei êđăp ênang yang ƀuôn leh anăn ai tiê kjăp hlăm mnuih ƀuôn sang”, leh anăn Đại tướng Lương Tam Quang, Khua hlăm phŭn bruă kđi čar, Khua phŭn bruă kahan ksiêm, klei ksiêm hriăm hŏng akŏ “Bruă kahan ksiêm hllue ngă 3 klei kñăm phŭn mơ̆ng Đảng: Klei êđăp ênang, hơĭt kjăp - mđĭ kyar hnơ̆ng jăk - jăk mơak mơ̆ng yang ƀuôn”.

Leh kơ anăn, hlăm klei ksiêm hriăm ti Anôk bi kƀĭn, K’iăng Khua knŭk kna Phạm Thị Thanh Trà,  bruă Đảng knŭk kna mñă klă ai tiê knŭk kña mkra mjing, mđĭ kyar, kpă ênô leh anăn ngă bruă kơ mnuih ƀuôn sang.

Lu klei blŭ mñă klă bruă lŏ dơ̆ng êdah dlưn mkŏ mjing, bi leh klei bhiăn, ruh mgaih djăp klei găl kơ klei đĭ kyar; mđĭ kyar bruă nah gŭ kluôm hrăm mbĭt mrâo mrang, mjing wăl đĭ kyar mrâo; mđĭ ktang mbha gưl, mbha klei dưi mguôp hŏng mbha klei găl leh anăn mđĭ kyar ksiêm dlăng, ktuê dlăng hŏng klei blŭ “alŭ wăl bi mklă, alŭ wăl ngă, alŭ wăl đua klam” hŏng klei sĭt leh anăn tŭ dưn hĭn.