Brei thâo Việt Nam djăp leh ênoh čuăn bruă duh mkra mơ̆ng 8,3- 8,5% hlăm thŭn anei, lehanăn đĭ dua mrô hlăm wưng tinăp. Khua knŭk kna Phạm Minh Chính mtă čiăng kơ phung duh mkra dưn yua jih klei găl hlăm bruă duh mkra mnia mblei, klei duh bi liê mơ̆ng dua ala čar, đru kơ Việt Nam bi mlih hdră êlan duh bi liê, kơ ngăn prăk doh, mkra mjing chíp bán dẫn, pui kmlă doh,  hydrogen, ngă lŏ hma hŏng kdrăp mrâo mrang.

Khua knŭk kna Phạm Minh Chính čang hmăng kơ phung duh mkra Japon đru kơ phung duh mkra Việt Nam hgŭm lu hĭn hlăm klei bi hgŭm hŏng tar rŏng lăn mơ̆ng phung duh mkra Japon, lehanăn đru kdrăp mrâo mrang, mjuăt bi hriăm mnuih mă bruă knhăk, kiă kriê bruă knuă hŏng klei thâo mĭn./.