Bi ala bruă Đảng bruă kƀĭn ala, Kơiăng khua Anôk bruă kƀĭn ala Đỗ Văn Chiến hưn mthâo pral boh tŭ Klei kƀĭn tal 14 mơ̆ng Đảng. Hŏng mta kñăm mđĭ kyar thŭn 2026 – 2030 lehanăn hnơ̆ng trah dlăng thŭn 2045, klei hưn ba mdah leh 5 hdră êlan prŏng, hlăm anăn mñă, thŭn 2026 – 2030 brei mđing mjing boh kdrŭt ti 3 bruă phŭn kơ bruă hdră bhiăn lehanăn hluê ngă: Bi leh ênŭm klei bhiăn, mđĭ boh tŭ jăk hdră mtrŭn, mđĭ klei hluê ngă hdră bhiăn, rơ̆ng djăp hdră mtrŭn mâo wưng hluê ngă, klei găl mâo lehanăn klei bhiăn ksiêm dlăng, mđĭ bruă mkra mlih klei ngă hră mơar, mkŏ mjing Knŭk kna mrô, mă boh tŭ mkăp kơ mnuih ƀuôn sang, anôk bruă duh mkra ngă giê mkă. Klei tŭ jing mơ̆ng Klei bi kƀĭn tal 14 mơ̆ng Đảng bi êdah klei đăo knang, klei mĭn, klei gĭr lehanăn hnơ̆ng trah dlăng mđĭ kyar mrâo mơ̆ng Đảng lehanăn djuê ana drei.

Anei jing tur knơ̆ng kjăp čiăng kluôm Đảng, jih jang mnuih ƀuôn sang, lĭng kahan drei čŏng pô kpưn đĭ kjăp hlăm gưl mrâo, hluê ngă tŭ dưn Hdră mtrŭn Klei bi kƀĭn tal 14, kyua sa ala čar Việt Nam êđăp ênang, hnŭk êngiê, ngă phŭn mil pô, đĭ kyar, sah mdrŏng, yâo mơak./.