Êlâo kơnăn, hlăm hruê mbruê, Klei kƀĭn prŏng lŏ dơ̆ng mă bruă jih hruê čiăng bi trông kơ hră mơar klei kƀĭn Prŏng. Hlăm mmông mă bruă aguah, mâo leh 15 čô bi ala hlăm dŭm êpul bi ala, anôk bruă đru mguôp klei blŭ. Dŭm klei blŭ mguôp kñăm kơ dŭm mta phŭn mơ̆ng hdră mơar leh anăn dŭm boh klei yuôm bhăn mâo mnuih ƀuôn sang, knuă druh, đảng viên uêñ mĭn.

Hlăm ai êwa bi trông, kpă ênô leh anăn êngiê. Êpul khua gĭt gai klei kƀĭn Prŏng čih yap, bi myuôm dŭm mta phŭn bi trông leh anăn dŭm klei blŭ mguôp jih ai tiê, klei thâo mơ̆ng phung bi ala, mbĭt anăn gĭt gai êpul bruă hră mơar ksiêm dlăng, mđing hmư̆ dŭm klei blŭ mguôp čiăng bi kluôm hră mơar hưn mdah klei kƀĭn prŏng bi klă. Hŏng dŭm klei akâo, Êpul khua gĭt gai bi kƀĭn, mđing hmư̆ jao kơ Êpul khua bruă Đảng gưl dlông gưl 14 ksiêm dlăng, bi klă hlăm dŭm hdră mtrŭn, hdră ngă bruă hluê ngă dŭm hdră mtrŭn leh anăn bi leh mta phŭn Hdră mtrŭn klei kƀĭn prŏng tal 14 mơ̆ng Đảng. Êpul khua gĭt gai leh hmư̆ klei blŭ mguôp mơ̆ng phung bi ala hưn mdah leh hŏng Klei kƀĭn prŏng kơ bruă mkra mlih hdră mă bruă mơ̆ng klei kƀĭn prŏng tal 14 mơ̆ng Đảng. Klei kƀĭn prŏng bi tŭ ư bi hrŏ 1 hruê mkrah mmông mă bruă mkă hŏng hdră mĭn tĭng êlâo anăn.