Ti anôk bi kƀĭn, phung bi ala trông čhai kơ bruă mkŏ mjing hdră bhiăn kiă kriê, ba yua phao ktuang, mnơ̆ng mtuh, akâo mkŏ mjing mlih mrâo, thiăm mbŏ đa đa mta mơ̆ng hdră bhiăn hâo hưn, mâo hdră mtrŭn klă ênŭm lehanăn ktrâo atăt kơ klei hlue ngă dŭm klei bhiăn, klei bhiăn mtrŭn, hdră mtrŭn mơ̆ng anôk bruă kƀĭn ala, dhar bruă hgĭt gai bruă kƀĭn ala.

Blŭ hrăm ti anôk bi kƀĭn Khua knŭk kna Phạm Minh Chính mñă mđĭ hĭn ai tiê khăt bi hrŏ djăp mta klei dleh ktrŏ hlăm bruă ngă hră mơar, mjing djăp klei găl kơ mnuih ƀuôn sang, lehanăn phung duh mkra hlăm klei ngă hră mơar, hrăm mbĭt bi đru, lŏ mguôp klei ksiêm dlăng, ti jing klei bhiăn jăk, lehanăn lăm lui klei bhiăn amâo lŏ djŏ. Khua knŭk kna mtă, jih jang klei bi kƀĭn anei jing dŭm mta bruă yuôm bhăn, mâo lu klei blŭ rơ̆ng ba wĭt jăk boh tŭ mơ̆ng klei bi kƀĭn./.