Hjan prŏng hlăm wưng sui bi klưh kđang kjham taluy êlan dơ̆ng Hồ Chí Minh kdrêč găn alŭ 3, să Quảng Tín, kdriêk Dak R’Lâp, čar Dak Nông. Bruă sang čư êa, dhar bruă djŏ tuôm mbĕ mđuĕ mjêč lu gŏ sang hlăm krĭng hŭi hyưt. Knơ̆ng bruă êlan klông leh anăn dŭ mdiăng čar Dak Nông brei thâo, kyua hjan prŏng hlăm wưng sui, êlan Hồ Chí Minh ti Km1936+ 080 leh anăn Km1936+300  kdrêč găn alŭ 3, să Quảng Tín, kdriêk Dak R’Lâp, čar Dak Nông mâo klei klưh kđang taluy. 2 anôk kruh hroh anei bi kbưi 200m, mâo klei arưp aram hmăi kơ êlan dơ̆ng leh anăn luč klei êđăp ênang hlăm êlan klông.

Knơ̆ng bruă êlan klông leh anăn dŭ mriă gĭr gai, mkŏ mjing klei mă bruă hŏng dŭm anôk bruă djŏ tuôm čiăng duah hdră êlan mgaih msir, bi hrŏ klei hmăi kơ êlan klông, kơ klei êđăp ênang ti êlan Hồ Chí Minh alŭ wăl mrâo lač. Bruă sang čư êa, dhar bruă djŏ tuôm mbĕ mđuĕ mjêč lu gŏ sang hlăm krĭng hŭi hyưt čiăng rơ̆ng kơ klei êđăp ênang. Hluê si klei tĭng mkăn phŭn, klei klưh hroh ngă kơ sang čhĭ êa săng, êa pui, sang mnăm kphê leh anăn lăn ala ktuê  êlan mơ̆ng 15 gŏ sang mâo klei hmăi.