Klei bi kƀĭn êbeh 250 knưng mnơ̆ng mơ̆ng êbeh 100 anôk bruă duh mkra, êpul hgŭm bruă, anôk mkra mjing mơ̆ng 16 čar, ƀuôn prŏng kluôm ala, hưn mdah dŭm mnơ̆ng dhơ̆ng OCOP, mnơ̆ng dhơ̆ng tuh tia krĭng ƀuôn sang êdah êdi, mnơ̆ng jăk krĭng kwar leh anăn wăl hiu čhưn dlăng mnơ̆ng ƀơ̆ng Lăn Dap Kngư. Anei jing bruă ngă mtrŭt mjhar mnia blei phŭn hlăm gưl knhal jih thŭn, mjing klei mkŏ bruă mnia blei, hưn mdah mnơ̆ng dhơ̆ng jăk leh anăn đru kơ anôk bruă duh mkra pŏk mlar anôk ba čhĭ.

Đỗ Thị Thu An,  Khua Knơ̆ng bruă tuh tia mnia blei Dak Lak brei  thâo knăm mơak dưi mkŏ mjing hlăm wưng mnia blei knhal jih thŭn, hlăk mnơ̆ng dhơ̆ng mâo ruah mơ̆ng alŭ wăl. Dŭm anôk bruă hgŭm amâo djŏ knŏng mđing kơ hnơ̆ng jăk ôh ƀiădah lŏ mâo ênoh djŏ guôp, ngă djŏ klei čiăng ba yua mnuih ƀuôn sang, boh nik hlăm gưl Tết Nguyên đán anăp truh.

“Êngao kơ hnơ̆ng jăk mnơ̆ng dhơ̆ng, dŭm alŭ wăl ăt ba mnơ̆ng dhơ̆ng mâo ênoh yuôm čiăng hưn mthâo kơ mnuih ƀuôn sang mnơ̆ng dhơ̆ng jăk hĭn ti alŭ wăl mơ̆ng 16 anôk mdê mdê hlăm kluôm ala.