Hlue si klei hưn mdah, thŭn 2025, Dak Lak mâo 4 hnơ̆ng kčah bruă duh mkra phŭn êbeh hdră kčah, hlăm anăn prăk hrui wĭt ba čhĭ kơ ala tač êngao đĭ êbeh 26% mkă hŏng thŭn 2024; ênoh hrui wĭt knŭk kna mâo 18.208 êklai prăk, đĭ 28,56%; prăk hrui wĭt kah knar mâo 80,6 êklăk prăk. Klei hdĭp mda ala ƀuôn dưi rơ̆ng hŏng bruă bi leh 100% hdră kčah mdơ̆ng 2.800 boh sang ala ƀuôn leh anăn lăm lui sang tĭ ƀrôč.

Mŭt hlăm thŭñ 2026 - thŭn mphŭn pŏk kơ hdră kčah mđĭ kyar 2026–2030,  Dak Lak kčah klei kñăm mjing tur knơ̆ng mđing mđĭ kyar dua ênoh mrô; ênoh hrŏ ƀun kluôm čar mâo mơ̆ng 3%, hjăn krĭng mnuih djuê ƀiă hrŏ mơ̆ng 4% kơ dlông; mđĭ pral klei bi mlih hlue si hdră bruă - tuh tia mkra mjing - mkŏ mjing. Klah čun klei bi kƀĭn, Tạ Anh Tuấn,  Khua Knơ̆ng bruă sang čư̆ êa čar Dak Lak mñă klă,  jih bruă sang čư̆ êa brei bi mlih klei mĭn, bruă ngă bi jăk leh anăn đua klam truh knhal tuč bruă kčah leh, mbĭt anăn mđĭ pral msir mgaih bi liê knŭk kna, mguôp hŏng bruă klam klă klơ̆ng hŏng grăp pô bi lliê, grăp alŭ wăl leh anăn gĭr msir mgaih dŭm hdră bruă êmưt hnơ̆ng.