Mmăt hruê 23/12, ti Anôk bruă Knŭk kna, Kơiăng khua knŭk kna Trần Hồng Hà gĭt gai leh Klei bi kƀĭn tal 27 mơ̆ng Anôk gĭt gai Ala čar kơ hdră bi kdơ̆ng hŏng klei mă kan hdang soh hdră bhiăn, amâo hưn mthâo, amâo djŏ klei kčah mtrŭn (IUU).

Hưn ti anôk bi kƀĭn brei thâo, hdră ksiêm dlăng hô̆ mran, klei iu trah mă dưi krơ̆ng kjăp, hưn mthâo leh anăn hô̆ mran brei ksiêm dlăng, msir mghaih giăm 11 êbâo klei, hlăm hruê lăm amâo bluh mâo hô̆ mran ngă soh hlăm krĭng ksĭ ala tač êngao. Kơiăng khua knŭk kna mtă brei msir mghaih jih bruă klam, bi leh hră hưn mdah ba mơĭt kơ Dhar bruă Ơrôp hluê ai tiê klă mngač, hưn klă klei gĭr mơ̆ng Việt Nam hlăm bruă bi leh klei bhiăn, mđĭ klei đŭ bi kmhal, hmao ƀuh lehanăn msir mghaih klei djŏ tuôm. Kơiăng khua knŭk kna Trần Hồng Hà mtă kơ Phŭn bruă Lŏ hma – wăl hdĭp mda bi leh klei hưn mdah bi kdơ̆ng hŏng klei IUU, ba mơĭt kơ EC êlâo kơ hruê 31/12/2025.