Bruă mkŏ dăp amâo djŏ knŏng dlăng kơ klei hriăm, thŭn mă bruă ƀiădah lŏ kñăm kơ klei thâo hlăm boh sĭt, ai tiê bruă klam leh anăn boh tŭ dưn bruă knuă. Lu phung knuă druh mda asei, mâo klei thâo, klei mĭn mrâo, jhŏng mĭn, jhŏng ngă dưi đăo knang jao bruă klam yuôm bhăn.

Hồ Văn Mười, Khua Bruă sang čư̆ êa čar Lâm Đồng brei thâo, êjai dăp bruă kơ djŏ pô, knuă druh bi mđĭ lar klei thâo, ai tiê bruă klam dưi mđĭ hĭn, msir bruă pral hĭn, tŭ dưn hĭn, bi hrŏ klei mplĕ bruă klam, hluê anăn bi kjăp klei đăo knang mơ̆ng mnuih ƀuôn sang hŏng bruă Knŭk kna dŭm gưl. Klă sĭt brei ƀuh bruă mkŏ dăp knuă druh djŏ bruă, djŏ pô mơ̆ng čar Lâm Đồng amâo djŏ knŏng jing klei čuăn ti anăp ƀiădah lŏ jing hdră êlan sui, bi êdah klei gĭr kđi čar mơ̆ng čar hlăm boh sĭt mrâo, đru mđĭ kyar bruă duh mkra ala ƀuôn alŭ wăl hŏng klei hơĭt kjăp.