Lâm Đồng đru kơ klei êrô êbat, anôk dôk kơ knuă druh leh bi mŭt mbĭt
Thứ năm, 10:24, 17/07/2025
Pô mblang Y-Bel Êban/VOV Tây Nguyên
Pô mblang Y-Bel Êban/VOV Tây Nguyên
VOV.Êđê- Tlam mbruê 16/7, hlăm klei kƀĭn tal 2, Êpul gơ̆ng bruă ƀuôn sang čar Lâm Đồng gưl 10 bi klă leh hdră mtrŭn čoh ênoh đru kơ phung knuă druh, phung mă bruă kyua klei mkŏ dăp anôk bruă knŭk kna gưl čar leh anăn phung mă bruă dŭm čar nao ti dŭm ƀuôn hgŭm.
Leh bi mŭt mbĭt, mâo êbeh 1.800 knuă druh, phung mă bruă mơ̆ng Dak Nông ;leh anăn Bình Thuận hđăp nao mă bruă ti dŭm anôk bruă kđi čar – bruă knŭk kna ti Đà Lạt.
Hluê si hluê si hdră đru, grăp čô knuă druh, phung mă bruă dưi mâo klei đru sa blư̆ jing 10 êklăk prăk, grăm mlan đru 5 êklăk prăk klei êrô êbat leh anăn prăk mưn anôk dôk. Bi hŏng phung knuă druh nao mă bruă ti ƀuôn hgŭm dưi đru sa blư̆ hŏng ênoh prăk 10 mlan mă bruă (amâo mâo yap ôh phung nao mă bruă ti dŭm ƀuôn hgŭm hlăm ƀuôn prŏng Đà Lạt, Phan Thiết leh anăn Gia Nghĩa êlâo kơ bi mŭt mbĭt).
Viết bình luận