Leh sa mlan mă bruă “Hdră êlan Quang Trung” truh kơ hrue 29/ 12/ 2025 čar Lâm Đồng mâo bi leh 9 boh sang. Bi 29 boh sang adôk ka leh, ară anei lĭng kahan, kahan ksiêm, bruă sang čư̆ êa, lehanăn djăp êpul êya hlăk mđrăm mbĭt hŏng mnuih ƀuôn sang dôk bi leh. Truh hrue 31/12/ 2025 srăng lŏ mâo thiăm 4 boh sang dưi bi leh, lehanăn 25 boh sang adôk ti Lâm Đồng hlăk dôk bi tiŏ êran čiăng bi leh êlâo kơ hrue 15/1/2026.

Čiang kơ jih jang sang mrâo mdơ̆ng, sang lŏ mkra wĭt kơ mnuih ƀuôn sang leh klei êa lip dưi mkra kjăp, čar Lâm Đồng tiŏ nao leh jih jang êpul êya mnuih ƀuôn sang bi đru hrue ai mă bruă, lehanăn mnơ̆ng mnuă rŭ mdơ̆ng.

Truh ară anei, car Gia Lai ngă leh bruă mdơ̆ng 456/674 boh sang, mâo 67,66%. Klă klơ̆ng, tĭng truh 28/12, čar Gia Lai bi leh bruă mkra 27.501/27.522 boh snag, mâo 99,92%. Ară anei dôk 21 boh sang čiăng mkra, dôk hlăm wưng mkra mđĭ, tĭng ngă leh êlâo kơ hruê 31/12/2025. Hŏng hdră mdơ̆ng mrâo, čar Gia Lai mdơ̆ng leh 674 boh sang dlưh, jhat rai. Truh ară anei, 456 boh sang dưi ngă leh, 218 boh sang dôk mkra. Čar mâo ,mta kñăm gĭr jao kơ mnuih ƀuôn sang êlâo kơ hruê 25/1/2026.

Mbĭt hŏng bruă iêu ba mnuih mă bruă, čar Gia Lai bi liê leh êbeh 720 êklai prăk mơ̆ng ngăn prăk knŭk kna lehanăn phŭn đru mkăn čiăng đru kơ hdră duh ƀơ̆ng, msir mghaih klei luič liê lehanăn mdơ̆ng dŭm krĭng anôk dôk mrâo./.