Ti anôk bi tuôm, dŭm gưl phung bi ala bruă kƀĭn ala Lâm Đồng, Dak Nông lehanăn Bình Thuận bi yăl dliê lu klei hriăm, bi êdah klei đăo knang kơ bruă bi mŭt mbĭt 3 boh čar mjing klei đĭ kyar mrâo; čang hmăng phung bi ala lŏ dơ̆ng dưn yua klei mĭn, bruă klam, đru mguôp jăk kơ bruă kƀĭn ala.

Blŭ hrăm ti anôk bi kƀĭn  Y Thanh Hà Niê Kđăm, Khua bruă Đảng čar, Khua êpul bi ala bruă kƀĭn ala čar Lâm Đồng, bi klă hlăm dăl 80 thŭn êgao bruă kƀĭn ala Việt Nam, dŭm gưl phung bi ala bruă kƀĭn ala mơ̆ng Lâm Đồng mâo nanao klei sĭt suôr kjăp hŏng mnuih ƀuôn sang, bi êdah djŏ hŏng ai tiê lehanăn hŏng klei čang hmăng mnuih ƀuôn sang, đru mguôp lu bruă jăk kơ klei mkŏ mjing hdră bhiăn, klei ksiêm dlăng, lehanăn bi mklă dŭm bruă yuôm bhăn. Ară anei êpul bi ala bruă kƀĭn ala čar Lâm Đồng mâo 19 čô pô bi ala, mâo 8 pô bi ala ti gưl dlông, lehanăn 11 čô bi ala ti alŭ wăl./.