Čar Lâm Đồng leh mâo klei bi mŭt mbĭt, anôk pioh kơ klei mđĭ kyar jing prŏng hĭn mơ̆ng lăn dap kngư truh krĭng kngư lehanăn krĭng mnai hang ksĭ, hŏng ênhă êbeh 24.000km², bi klin djăp ênŭm klei găl kơ lăn ala, ngăn dŏ mnơ̆ng dhơ̆ng hdĭp, ai dưi bi kơrŭ bruă, klei găl mơ̆ng dliê, bruă pla mjing hŏng kdrăp mrâo.

Hlăm anăn krĭng dap kngư Di Linh jing knơ̆ng, găn mơ̆ng kčŭn čư̆  Bảo Lộc truh kơ kčŭn čư̆ Prenn, jing anôk mkŏ klei găl hŏng dŭm krĭng hlăm čar.  Ti anôk trông čhai, phung bi ala bi êdah leh lu hdră êlan kơ klei mđĭ kyar krĭng dap kngư Di Linh, čar Lâm Đồng; bi mngač dŭm hdră êlan mơ̆ng bruă kreh knhâo lehanăn klei dưi ngă sĭt êmĭt hlăm dŭm klei bi hmô kjăp, djŏ guôp hŏng djăp klei bhiăn, hdră êlan djăp klei găl, mjing boh kdrŭt mrâo kơ bruă mđĭ kyar hlăm krĭng lăn anei./.