Lâm Đồng mtrŭt bruă mkra êlan dơ̆ng pral Bảo Lộc – Liên Khương
Thứ năm, 09:02, 29/01/2026
Y-Khem Niê/ VOV Tây Nguyên
Y-Khem Niê/ VOV Tây Nguyên
VOV.Êđê- Knơ̆ng bruă sang čư̆ êa čar Lâm Đồng mrâo hưn mthâo hŏng dŭm knơ̆ng dhar bruă, lehanăn phung duh bi liê pral bi leh hdră êlan mă bruă čiăng mkra bi jăk êlan dơ̆ng pral Bảo Lộc – Liên Khương kyua bruă prăp êmiêt lĕ hlăm klei êmưt.
Tui si ksiêm dlăng, mơ̆ng mlan 6/2025 truh ară anei, phung duh bi liê mrâo ngă mil 20% ênoh bruă knuă dôk hrip duah bom min, mnơ̆ng mtuh, lehanăn hră mơar klei mă bruă ka leh, ka djŏ hŏng hdră čuăl mkă.
Knơ̆ng bruă sang čư̆ êa čar mtă kơ phung duh bi liê pral bi leh jih jang hdră êlan mă bruă, dăp anôk kiă kriê ti alŭ wăl Đà Lạt lehanăn dŭm adŭ mă bruă hlăm anôk dôk mkra êlan, mâo hdră mă bruă bi ƀhĭ ênŭm, bi mklă bruă čuăn hlăm mlan 1/2026, lehanăn hgŭm hŏng djăp alŭ wăl ksiêm wĭt ti bruă adôk ka leh hlăm bruă ruh mgaih anôk ala pioh mâo anôk mkra êlan./.
Viết bình luận