Čar Lâm Đồng mâo ênha prŏng hĭn hlăm kluôm ala hŏng êbeh 24.200km2, čiăng dưi mkŏ jih jang êlan klông hlăm wưng mđĭ kyar mrâo hŏng klei mjêč. Mbĭt hŏng bruă mkra mđĭ dŭm kdrêč êlan hlăm čar, mkra êlan êdeh treng, tač êdeh phiơr ară anei, hlăm thŭn  2025 čar lŏ ngă leh dŭm bruă mkra mjing dŭm kdrêč êlan dơ̆ng prŏng mkŏ mơ̆ng Đà Lạt lehanăn mơ̆ng Gia Nghĩa truh kơ ƀuôn prŏng Hồ Chí Minh, dŭm êlan knơ̆ng truh kơ 3 alŭ wăl phŭn: Đà Lạt, Gia Nghĩa lehanăn Phan Thiết.

  Klei năng čih pioh jing bruă sang čư̆ êa lehanăn mnuih ƀuôn sang Lâm Đồng mâo sơăi klei sa ai hlue ngă dŭm klei čiăng prŏng êlan prŏng kơ klei mđĭ kyar. msĕ si ti ƀuôn hgŭm Phúc Thọ Lâm Hà, mơ̆ng hla čhiăm gru ba akŏ jing phung đảng viên anôk bruă Đảng alŭ Tân Hợp, giăm 100 gŏ sang hlăm alŭ myơr leh giăm 23.000m2 lăn jing anôk pla kphê pioh kơ bruă sang čư̆ êa pŏk êlan dơ̆ng prŏng mrô 28 mbĭt hŏng êlan dơ̆ng čar mrô 725. ./.